SJOKOLIS SE DROOMTERT
Resep getoets en foto: Hannelie Pieters
- 1 pakkie “Romany cream” koekies, fyn gemaak
- 80 ml gesmelte botter indien verkies
- 1 pakkie karamel kitspoeding
- 1 pakkie “Butterscotsh” kitspoeding
- 700 ml koue melk (350 ml per pakkie)
- 250 ml room, verkil
- versiersuiker na smaak
- Flake sjokolade
- Variasie:
- 2 pakkies sjokolade kitspoeding
- Kors:
- Maak ‘n pak Romany Creams (of soortgelyke sjokoladekoekies) fyn en meng dit met ‘n bietjie gesmelte botter. Druk dit vas onderin ‘n bak.
- Indien verkies kan die fyn krummels net so sonder botter in die tertbak gesit word.
- Vulsel:
- Meng die twee pakkies kitspoeding se poeier saam.
- Maak die kitspoeding aan volgens die instruksie op die pakkie met die melk. (let op mens gebruik minder melk om ‘n dikker tekstuur te kry)
- Skep die poeding oor die koekiekors.
- Bolaag:
- Klits ‘n houertjie vars room tot styf en skep dit bo-oor die poedinglaag.
- Afronding:
- Strooi gekrummelde Flake of gerasperde sjokolade oor die room.
- Laat dit vir ten minste 4 uur (of oornag) in die yskas om te stol.
