ZUCCHINI ROLLETJIES
Vanaand se aandete is “baby marrow” (zucchini) rolletjies en steak. ‘n Heerlike bygereg, veral vir die wat die koolhidrate bietjie uitsny (low carb)! Maar ‘n fantastiese bykos enige tyd.
- 4 zucchini, elk in 4 skywe gesny
- sout
- 1 klein groen en rooi soetrissie, in blokkies gesny
- 200 g sampioene, in blokkies gesny
- 1 rookworsie/chorizo, in stukkies gesny
- sout en peper na smaak
- 1 knoffelhuisie, gekap
- 100 ml pietersielie, gekap
- olyfolie vir vlakbraai
- 150 g roomkaas
- 1 eier
- 125 ml gerasperde kaas, en nog 125 ml vir bo-oor strooi
Pak skywe zucchini op ‘n bakplaat, strooi sout oor en laat staan vir 15 minute.
Dreineer, en bak vir 15 minute in ‘n oond by 200ºC.
Braai soetrissies, sampioene, knoffel en rookwors tot ligbruin en al die vog verdamp het.
Meng met roomkaas, eier, pietersielie , sout, peper en gerasperde kaas.
Smeer vulsel oor helfte van elke zucchini, en vou oor.
Pak in ‘n oondbak, strooi ekstra kaas oor en bak 25 minute by 180ºC tot goudbruin.
Geniet saam met enige vleis as bygereg.
Resep geplaas deur Ilze Garbers Jacobs
Foto: Ilze Garbers Jacobs