ZAMBEZI MODDER POEDING

Ook bekend as die Zambesi Mud Pudding

Beslag:
1 koppie koekmeel
⅔ koppie melk
¾ koppie suiker
5 eetlepels sagte botter
1½ eetlepels kakao
3 teelepels bakpoeier
½ teelepel vanilla geursel
¼ teelepel sout
1 eier
Stroop:
1 koppie water
2 eetlepels kakao
1 koppie bruinsuiker

Meng beslagbestanddele saam deur die droëbestanddele saam te sif en die natbeststanddele saam te meng. Meng dan die nat- by die droëbestanddele in, meng goed deur.
Skep in ‘n voorbereide oondbak.
Kook stroopbestanddele saam en giet versigtig bo-oor die beslagmengsel.
Bak vir 30 minute by 180 °C.
Bedien saam met sy eie stroop/sous of vla.

Resep en foto: Louw LP Senior