YSKAS VRUGTEKOEK

Graag deel ek met jul vanoggend so op ‘n pragtige Kersdag hierdie heerlike yskas vrugtekoek.

Variasie 1:
100 g regte botter
1 blik kondensmelk
60 ml Rum of Brandewyn
100 ml rooi kersies
100 ml sultanas
100 ml korente
100 ml gekapte gemengde neute
100 ml fyngesnyde dadels
100 ml wit suiker
5 ml vanilla geursel
2 x 200 g fyn tennis beskuitjies
Variasie 2:
250 ml gekapte dadels
125 ml elk: sultanas, korente, rosyne, kersies en gekapte neute
125 ml bruinsuiker
125 ml botter
1 blik kondensmelk
2 pakkies Tennisbeskuitjies, in stukkies gebreek
5 ml vanilla geursel

Variasie 1:
Verhit botter, kondensmelk en Rum of Brandewyn saam.
Voeg suiker by en roer goed (nie kook nie).
Verwyder van hitte en meng met res van die bestanddele.
Druk in gesmeerde broodpannetjie vas.
Verkoel oornag. Sny in skywe en geniet.

Resep en foto: Magda Van Der Merwe

Variasie 2:
Smelt botter en suiker. Roer kondensmelk by.
Haal van stoof af en voeg vrugte en beskuitjies by.
Spuit ringkoekpan met Spray and Cook.
Druk mengsel in koekpan en laat staan 24 uur in yskas.
Sny soos verkies en geniet.

Resep: Veronica Roux