WORTELKOEK MET FYN PYNAPPEL

Resep en foto: Elda Steyn Langenhoven

• 625 ml koekmeel
• 10 ml bakpoeier
• 7½ ml koeksoda
• 5 ml sout
• 15 ml gemengde speserye
• 310 ml olie
• 4 eiers
• 1½ koppies suiker
• 2 koppies fyn gerasperde wortel
• 1 koppie fyn pynappel, gedreineer
• ½ koppie gekapte pekanneute
• roomkaas versiersel
• Sif die droë bestanddele twee keer saam.
• Klits die eiers, suiker en olie goed vir drie minute op ‘n hoë spoed.
• Voeg die wortels, pynappel en neute by en meng dit met ‘n metaallepel in.
• Sif die droë bestanddele bo-oor die mengsel en vou dit in met ‘n metaallepel totdat dit goed gemeng is.
• Bespuit ‘n ringpan met ‘n kleefwerende kossproei en strooi ‘n bietjie meel oor. Skud die oortollige meel uit.
• Plaas die mengsel in die ringpan en bak by 180 °C vir ongeveer 45 – 50 minute of totdat ‘n  toetspen skoon uitkom.
• Laat die koek in die pan afkoel vir 10 minute voordat die koek uitgekeer word.
• Versier met ‘n roomkaas versiersel.