WORTEL KOLWYNTJIES

Kry muffinpannetjies gereed en plaas kolwyntjie houertjies in elke muffin gaatjie.

Skakel oond aan op 160 ºC.

4 eiers
300 g suiker
250 ml kookolie
325 g bruismeel
5 ml koeksoda
5 ml fyn kaneel
1 ml sout
350 g geskilde, grof gerasperde wortels

Klits eiers en suiker saam tot lig en romerig.

Voeg kookolie by die eiermengsel en klits goed.

Sif bruismeel, koeksoda, kaneel en sout saam in ‘n groot mengbak.

Vou gesifte bestanddele deeglik in eiermengsel in.

Voeg nou die wortels by en meng liggies. Moenie te veel roer nie.

Skep die mengsel in die kolwyntjie houertjies.

Bak in vooraf verhitte oond 160 ºC vir ongeveer 20 minute. Onthou elke oond is anders. Waaier oonde bak vinniger.
Maak oond se deur na so 18 minute oop en toets die kolwyntjies.
Gebruik ‘n toets stokkie en druk in die middel van een kolwyntjie, dit sal droog uitkom as dit reg is.

Haal uit en laat heeltemal afkoel. Maak solank die versiersel.

Versiersel:
50 g sagte margarien
500 ml versiersuiker
50 ml maaskaas
5 ml vanilla geursel
fyn gekapte neute

Klits die margarien en voeg die versiersuiker bietjie vir bietjie by terwyl daar heeltyd geklits word.
Voeg nou maaskaas en vanilla geursel by en meng goed.
Smeer op die kolwyntjies en voeg ook ‘n bietjie fyngekapte neute oor vir versiering.

Resep en 2de foto: Maudie van Zyl
Foto: Elsabie O’Niell Ackerman