WIT SJOKOLADE- EN MURGPAMPOENKOEK

Resep geplaas en foto: Christine Louw

• 4 eiers
• 500 ml bruinsuiker
• 250 ml olie
• 5 ml vanilla geursel
• 325 g bruismeel
• 5 ml koeksoda
• 5 ml bakpoeier
• 5 ml kaneel
• 5 ml gemengde speserye
• 1 ml sout
• 500 ml fyn gerasperde murgpampoentjies
• 125 ml wit sjokolade ‘chips’
• Voorverhit die oond tot 180ºC.
• Klits eiers en suiker saam tot dik en romerig.
• Voeg olie geleidelik by en klits saam tot goed gemeng en romerig.
• Sif droë bestanddele saam en meng by eiermengsel in met klitser.
• Vou die murgpampoentjie en sjokolade chips liggies by die beslag in.
• Deel beslag gelyk tussen twee 20 cm voorbereide koekpanne (uitgevoer met waspapier).
• Bak 40 minute.
• Haal uit oond, laat effe afkoel en keer uit om heeltemal af te koel.

• Wit sjokolade en roomkaasversiersel:
• 285 g wit sjokolade ‘chips’
• 250 ml Woolies ‘double thick cream’
• 2 x 230 g bakkie Simonsberg roomkaas by kamertemperatuur
• 5 ml vanilla geursel
• Plaas die sjokolade chips en room in ‘n mikrogolfvaste bak en verhit in mikrogolf vir 1 min.
• Roer tot sjokolade gemeld is en mengsel glad is.
• Bedek met kleefplastiek en laat vir ± 4 ure afkoel in yskas om “ganache” te vorm.
• Na 4 ure klits die roomkaas en vanilla tot dik en donsig.
• Skep die ganache by die roomkaas en meng geleidelik deur en klits dan vir ± 2 min tot mengsel ook lig en donsig is.
• Plaas terug in yskas vir ± 1 uur waarna koek versier kan word soos verkies.
• Nota: Ek het versier met die oorblywende sjokolade chips en pecan neute.