WILMA SE GEURIGE MUFFINS

Sif saam:
500 ml koekmeel
15 ml bakpoeier
2 ml sout
2 ml paprika
5 ml gedroogde gemengde kruie
Klits saam:
2 groot eiers
100 ml kookolie
450 ml melk
Ekstra:
gerasperde Cheddarkaas
ekstra paprika
oorskietvleis, opsioneel (Ek het gister se vleis wat oorgebly het, fyngekap in my voedselverwerker en dit bygesit)
kan ook gedreineerde tuna of pilchards in tamatiesous insit

Meng droë en nat bestanddele goed saam, voeg vleis by. Meng weer deur.
Skep in gesmeerde muffinpanne. Strooi kaas oor en sprinkel paprika oor.
Bak by 180°C vir 15 min of tot goudbruin en gaar.
Bedien soos verkies.

Nota:
Hierdie muffins vries baie goed.

Resep en foto’s: Wilma Josey Venter