WARM LEMOENTERT MET BRUISMEEL
- 3 ekstra groot eiers
- 250 ml strooisuiker
- 180 ml melk
- fyn gerasperde skil van 1 suurlemoen
- 125 g margarien
- 275 ml bruismeel
- 5 ml bakpoeier
- 2 ml sout
- Stroop:
- 250 ml lemoensap
- 125 ml witsuiker
- 10 ml fyn gerasperde lemoenskil
Voorverhit die oond tot 180°C.
Spuit ‘n medium oondbak met kleefwerende kossproei.
Klits eiers tot skuimerig en voeg suiker geleidelik by.
Klits tot lig en romerig.
Verhit die melk, margarien en suurlemoenskil saam, roer tot margarien gesmelt is.
Sif die bruismeel, bakpoeier en sout saam en sif oor die eiermengsel.
Meng en roer die warm melkmengsel by.
Giet in voorbereide bak en bak 35 – 40 min lank tot gaar.
Berei intussen die stroop.
Verhit al die stroop bestanddele saam en laat 5 min lank stadig kook.
Verwyder van stoofplaat en hou warm.
Giet die warm stroop oor die tert sodra hy uit die oond kom en laat afkoel.
Bedien met room, vla of roomys.
Resep en foto: Amanda Austen
Category:
