WAFEL MET BRAAIHOENDER EN KAMMA HUMMUS

Maak Kamma-hummus soos volg:

½ ui, gekerf
½ teelepel van elk: kerriepoeier, paprika, gemmer
1 knoffeltoontjie, gekerf
1 blikkie Baked Beans in Tamatiesous
1 takkie pietersielie, gekerf
vars korianderblare, na smaak
sout en peper, na smaak
mayonnaise opsioneel

Braai ui in bietjie olie tot bruin en soetgaar.
Voeg kerrie, paprika, gemmer en knoffel by. Roerbraai vir 1 min.
Voeg fyngemaakte boontjies by. Roer tot warm. Druk bone fyn met ‘n vurk of “masher”.
Reduseer oor matige hitte tot dik en redelik droog. Roer pietersielie en koljanderblare by.
Maak wafels met enige resep op die blog.
Kerf gaar (oorskiet) braaihoenderstukke fyner en meng met mayonnaise, indien verkies.
Smeer kamma-hummus dik op wafel, sit hoender/mayonnaise op.
Garneer met gerasperde kaas en vars koljanderblare.
Geniet!

Resep en foto: Meyer Combrinck