VRUGTEWIELE IN LEMOENSOUS

Beslag:
500 ml koekmeel
15 ml bakpoeier
2 ml sout
80 ml margarien
160 ml melk
150 ml vrugtekoekmengsel
5 ml gerasperde lemoenskil
Sous:
200 ml suiker
60 ml lemoensap
sap van ‘n halwe suurlemoen
250 ml water

Voorverhit oond tot 200ºC. Bespuit ‘n oondvaste bak met kleefwerende kossproei.
Sif die koekmeel, bakpoeier en sout saam in ‘n mengbak.
Vryf die margarien met jou vingerpunte in tot die mengsel soos broodkrummels lyk.
Voeg die melk by en meng tot ‘n sagte deeg.
Rol die deeg uit (nie te dun nie) in ‘n reghoek van ongeveer 20 x 22 cm.
Smelt ongeveer 20 ml margarien en smeer met ‘n kwas oor die deeg.
Sprinkel die vrugtekoekmengsel en lemoenskil oor.
Rol die deeg versigtig op soos ‘n rolkoek.
Sny in skywe van 2 tot 2.5 cm dik en rangskik plat in die voorbereide bak.
Plaas al die bestanddele vir die sous in ‘n kastrol en bring tot kookpunt.
Giet oor die wiele. Bak 25 min tot gaar en goudbruin.
Dien op met vla.

Resep en fofo: Amanda Austen