VRUGTEKOEK MET BRANDEWYN IN DIE BESLAG

250 g korente
250 g sultanas
250 g rosyne
250 g kersies
200 ml brandewyn
250 g margarien
250 g strooisuiker
6 eiers
670 ml koekmeel
5 ml gemengde speserye (mix spice)
2 ml koeksoda
1 ml sout
150 g sitrusskil
100 g amandels, grof gekap
5 ml karamelgeursel

Meng die korente, sultanas, rosyne, kersies en brandewyn saam. (LAAT OORNAG STAAN)
Stel oond op 150°C. Bespuit ‘n 24 cm koekpan met kleefwerende kossproei en lê uit met foelie. (Ek het myne uitgelê met foelie en bakpapier).
Klits die botter en voeg suiker by. Voeg die eiers een vir een by en klits goed.
Sif die koekmeel, speserye, koeksoda en sout saam. (Sif bietjie oor die rosyne mengsel dat dit, dit bedek)
Voeg die res van die droë bestanddele by botter en vou goed in. Voeg vrugte, skil, amandels en geursel by. Meng goed.
Skep in koekpan en bak 2½ uur of tot toetspen skoon uitkom.
Laat afkoel en sit in lugdigte houer.

Nota:
Ek giet dan elke week ‘n proppie brandewyn oor.

Resep en foto: Amanda Austen