VRUGTEKOEK KOLWYNTJIES

Dit is die ‘very last minute’ vrugtekoek cupcake. Niemand van my huisgesin eet vrugekoek, maar ek is mal daaroor, en nou kry ek nie ŉ stukkie by iemand nie.

Basis:
175 g botter
175 g suiker
4 eiers
175 g koekmeel
1 teelepel bakpoeier
1 teelepel gemengde speserye of gemmer, neut, kaneel as jy nie gemengde speserye het nie

Meng botter en suiker saam en klits die eiers een vir een by.

Voeg die res van die bestanddele by en meng deur.
Voeg die vrugtemengsel by:

Vrugtemengsel:
1 koppie rosyntjies
½ koppie neute
paar groen gesnyde kersies

Sorg dat dit nie te veel vrugte is nie.
Skep in kolwyntjie panne wat gespuit is.
Bak teen 180 °C vir ± 15 min of tot gaar.
Laat heeltemal afkoel.
Maak gewone versiersuiker met paar druppels water aan, en smeer bo-oor.
Ek weet hulle gaan daarin vaar!

Resep en foto: Elizabeth Haupt