VRUGTE HAWERMOUTKOEKIES

125 g botter, saggemaak
250 ml suiker
2 eiers
15 ml asyn
1 ml neutmuskaat
5 ml bakpoeier
5 ml koeksoda
knippie sout
250 ml koekmeel
250 ml ontbytgraanvlokkies
250 ml hawermout
250 ml klapper
125 ml gekapte gemengde neute
80 ml rosyne

Voorverhit oond tot 180ºC. Bespuit bakplate.
Klits die botter en suiker saam tot lig.
Klits die eiers en asyn saam.
Sif die neutmuskaat, bakpoeier, koeksoda, sout en koekmeel saam en voeg saam met die res van die droë bestanddele asook die geklitste eiers by die bottermensel.
Meng die bestanddele goed met die hand deur en maak ghoen-grootte bolletjies.
Rangskik die bolletjies op bakplaat en druk effens plat met vingers.
Bak vir 15 minute lank of tot gaar.

Resep en foto: Amanda Austen