VLEISLOSE SPINASIEGEBAK

Ek het al skywe ham tussenin gepak dan is dit sommer ‘n hele maaltyd!

1 pak (400 g) Cream Crackers
Vulsel:
100 ml botter
1 bossie spriet uie, gekap tot helfte van groen stingels
90 ml koekmeel
375 ml melk
400 g gaar gekapte spinasie, druk al die vog uit
sout en peper
200 g Feta kaas, gekrummel
750 ml chedderkaas, gerasper
5 eiers, geklits
3 ml gemaalde neutmuskaat
30 ml vars mint, gekap
100 ml botter plus bietjie ekstra vir pansmeer

Smeer vierkantige bak met botter. Pak ‘n laag beskuitjies.
Smelt die botter en sorteer die uie tot sag. Roer meel by en meng.
Roer melk by en kook tot verdik. Roer spinasie by. Geur met die geurmiddels.
Roer kaas, eiers, neut en mint by en meng goed deur.
Sprei van die spinasievulsel oor die laag beskuitjies. Pak nog ‘n laag beskuitjies. Herhaal lae. Eindig met laag spinasie.
Sprinkel die gerasperde kaas oor en bak by 180°C vir 25 – 30 min.

Resep: Martie Fourie Moolman
Foto: Liezl Louw