VLEISLOSE ERTJIESOP
Resep en foto: Erica Cosijn
Hier’s hy soos ek hom gemaak en beproe(f) het.
- 500 g droë ertjies
- 1.5 liter water
- 1.5 liter groenteaftreksel
- 200 g gerookte bief aartappelskyfies (Simba chips)
- Was die ertjies af onder koue water.
- Plaas die water, aftreksel en ertjies in ‘n groot pot en kook die ertjies vir ten minste 30 minute (drukkoker) of tot sag. (ongeveer 1 uur)
- Breek die skyfies fyn en roer in by die ertjies.
- Kook totdat die skyfies sag is, versap tot die sop glad is.
- Skep in opdien bakkies en voeg bietjie plein jogurt, groen sprietuie en Worcestershire “sprinkles” by vir garnering indien verkies.
- ALTERNATIEF: Resep geplaas deur Roos Rina
- Hierdie resep gebruik bief-aftreksel en ‘n pakkie Simba-tjips om die sop daardie ryk, sout biefsmaak te gee sonder dat jy ure lank skenkelvleis hoef te kook.
- 500 g droë groen split-ertjies (goed afgespoel)
- 1 groot ui (gekap)
- 2 middelslag aartappels (geskil en gerasper of in blokkies)
- 2 groot wortels (gerasper)
- 2 liter water of bief-aftreksel
- 1 of 2 pakkies (120 g) Roister Doister of Smoked Beef Simba-tjips
- sout en swartpeper na smaak
- Opsioneel: gekapte spek (bacon) of gerookte worsies
- Braai die gekapte ui in ‘n bietjie olie of botter in ‘n groot pot tot dit sag en deurskynend is. As jy spek of worsies gebruik, braai dit saam met die ui.
- Voeg die afgespoelde split-ertjies, gerasperde aartappels, wortels en die 2 liter water of bief-aftreksel in die pot. Bring die sop tot kookpunt, draai die hitte laer, sit die deksel op en laat dit vir omtrent 45 tot 60 minute liggies prut totdat die ertjies heeltemal sag en pap is.
- Roer gereeld sodat dit nie aan brand nie.
- Neem die helfte van jou bief Simba-tjips en krummel dit baie fyn. Roer hierdie fyn tjips by die sop in gedurende die laaste 10 minute van die kooktyd. Die tjips sal smelt en die sop natuurlik verdik terwyl dit ‘n ryk, sout bief-geur vrystel.
- Proe eers die sop voordat jy sout byvoeg, aangesien die tjips reeds baie sout is! Geur met swartpeper.
- Skep die sop in diepe borde in en krummel die res van die bief Simba-tjips lekker grof bo-oor net voor jy dit eet.
- Dit dien as die perfekte, bros alternatief vir croutons!
- As jy wil hê die sop moet vinniger gereed wees, kan jy die bestanddele vir 20 tot 40 minute in ‘n stoompot (drukpot) stoom voordat jy die tjips byroer.
Category:
