VLEISLAND SE MAALVLEIS POTBROODJIE
Die Ingelsman sê…
“What is the use of having a mind if one cannot change it”?
As mens moeg raak vir dieselde resep oor en oor.
DAN is dit tyd om “Mind te change”.
Vandag het ek nou my Mind gechange, en ‘n WILLE kans gevat.
Met uitstekende resultate!
- 500 g BOEREWORS vleis, (daai wat in die stopper oorbly, klaar boerewors speserye in)
- ½ ui, fyn gekerf
- 4 knoffelhuisies, gekerf
- 1 eier
- 1 koppie bruin broodmeel
- 1 koppie gerasperde kaas
- 1 teelepel bakpoeier
- 1 eetlepel suurlemoensap
- 2 eetlepels olyfolie
- ¾ koppie water
- ekstra: 100 g gerasperde kaas
Meng die vleis, uie, knoffel en kaas in ‘n mengbak.
Meng die meel en die res in ‘n ander bak tot ‘n slap deeg.
Voeg by die vleismengsel, en roer goed deur.
Skep in ‘n voorbereide broodpannetjie of ysterpot.
Bak vir 1 uur op 150°C in die oond.
Sprinkel nou nog 100 gram gerasperde kaas oor die “broodjie” en bak tot die kaas gesmelt is.
Dan het jy ‘n broodjie wat enige GARAGE PIE se naam met ‘n plank slaan.
Hy LOOP SOOS STROOP!
Resep en foto: Stefaans Blaauw – Vleisland