VISPASTEI

1 kg koue gekookte of gestoomde vis
2 uie, fyngekap
6 eetlepels margarien
sout en peper na smaak
2 teelepels aangemaakte mosterd
2 eetlepels tamatiesous
1 aartappel, gekook en fyngedruk
1 eier, liggies geklits
2 teelepels gedroogte pietersielie

Verwyder die grate en vlok die vis lekker fyn.
Braai die uie in 4 eetlepels van die botter tot goudbruin. Meng alles met die vis.
Skep in gespuite pyrex bak.

Bolaag:
4 medium aartappels, sag gekook en fyn gedruk
genoeg melk om die kapokaartappels sag te maak
1 eier
3 eetlepels botter
2 teelepels bakpoeier
sout, peper en aromat na smaak

Meng alles goed met ‘n draadklitser. Skep bo-op die vis, smeer gelyk en bak 20 min lank teen 180°C tot lig goudbruin. Bedien saam met tamatieslaai en vars broodrolletjies.

Resep en foto: Anna Venter