VINNIGE RICE KRISPIE BEDERFIES

4 klein Bar One’s
100 g botter
100 ml bruinsuiker
25 ml goue stroop
4 koppies Rice Krispies
100/150 g wit sjokolade, met ‘n bietjie melk om te help met smelt

Spuit ‘n kastrol met spray and cook.
Smelt botter, Bar One’s, suiker en stroop saam op lae hitte.
Meng goed tot alles goed saam gemeng is en haal van die plaat af.
Voeg Rice Krispies by, meng en keer uit op ‘n bakplaat of bak wat met spray and cook gespuit is. Maak mooi gelyk bo-op.
Smelt wit sjokolade en melk saam en smeer oor rice crispies.
Laat afkoel en sny in repies of blokkies. Eet lekker!!

Resep en 2 de foto: Nathalie Jessica Koekemoer- Groot
Foto: Marie Grobler – Ek het net donker sjokolade gehad en dit gebruik.