VINNIGE ONTBYTSKONS
Dit is bewolk en koel in die Tuinroete. Hierdie ontbytskons ‘n heerlike alternatief vir ‘n warm ontbyt. Geen resep gebruik nie – sommer bygevoeg soos wat ek lus was vir iets.
- Droë bestanddele:
- 2 koppies bruismeel
- 1 teelepel sout
- 1 teelepel origanum
- 1 teelepel paprika
- Nat bestanddele:
- 1 eier
- 2 eetlepels olie
- 1 koppie maas of karringmelk
- Ekstra:
- klein blikkie chakalaka
- 1 koppie gerasperde kaas
Meng droë bestanddele saam.
Meng nat bestanddele saam.
Meng bestanddele saam tot ‘n klam maar stewige deeg.
Vul 6 gesmeerde pannetjies vol deeg, maak ‘n holte en skep chakalaka in.
Bak by 200º C vir 15 min, strooi gerasperde kaas oor en bak vir ‘n verdere 10 minute.
Bedien louwarm.
Resep en foto: Bernadene Prinsloo