VINNIGE KLAM OLIEKOEK

As jy vinnig iets lekker moet bak slaan hierdie heerlike klam Oliekoek aanmekaar! Indien jy sjokoladekoek verkies, voeg net kakao by.

2 eiers
1 koppie suiker
1 koppie koekmeel
1 teelepel bakpoeier
2 eetlepels kookolie
½ koppie melk
sout
1 teelepel vanilla geursel
Opsioneel – sjokolade opsie:
50 ml kakao – bly jou keuse hoe donker jy koek wil hê

Verhit oond tot 180°C.
Klits eiers en suiker saam tot lig en donsig.
Verhit olie en melk, maar moenie kook nie.
Voeg vanilla geursel by.
Sif droë bestanddele saam:
Voeg melkmengsel en droë bestanddele beurtelings by eiermengsel en meng goed.
Verdeel in 2 koekpanne. (18 – 20 cm)
Bak 20 min of tot gaar en koek teen kante los is.
Versier wanneer afgekoel en geniet.

Nota:
Op die foto is gewone botterversiersel van botter, versiersuiker, melk en vanilla geursel.

Resep en foto: Marie Bateman