VINNIGE GEROOSTERDE VARKTJOP MET KOOLSLAAI
Dis waaaarm…so ‘n vinnige varktjop vanaand met geroosterde pampoen en koolslaai.
- 6 varktjops
- ½ koppie BBQ sous
- ½ koppie peri-peri sous van jou keuse
- 3 dik skywe pampoen, skil en al maar geen pitte
- sout en peper na smaak
Plaas varktjops in ‘n oondbak uitgevoer met bakpapier. Pak pampoen tussen in.
Meng souse en gooi bo-oor, sit sout en peper na smaak oor.
Bak 45 minute bedek by 180°C en oop vir 15 minute by 200°C.
Bedien met tuisgemaakte Oosterse geinspireerde koolslaai.
- ¼ kop groen kool
- ¼ kop rooikool
- 200 ml mayonnaise
- 60 ml sriracha (sterk chillisous)
- sout en peper
- 1 teelepel droë kruisement (of 2 eetlepels vars as jy het)
- ½ koppie grondboontjies
- 2 eetlepels sesamesaad
Maak kool fyn in voedselverwerker en roer die res van die bestanddele deur.
Geniet!
Resep en foto: Ilze Garbers Jacobs
Category:
