VIENNA ROL

Kors:
500 ml koekmeel
20 ml bakpoeier
2 ml sout
125 g margarien
150 ml melk
Vulsel:
6 viennas, gerasper
350 ml cheddarkaas, gerasper
50 ml margarien
20 ml mosterd
1 eier, geklits

Voorverhit die oond tot 200ºC.
Sif droë bestanddele saam en vryf die margarien in tot krummels.
Voeg net genoeg melk by om deeg te vorm wat uitgerol kan word.
Indien dit lyk of die beslag te styf is, voeg nog bietjie melk by en werk in met ‘n slaplemmes.
Rol deeg in ‘n reghoek van 30 x 25 cm uit.
Meng al die bestanddele vir die vulsel saam behalwe die eier.
Smeer vulsel op die deeg. Rol deeg op en sny in skywe, maar nie reg deur nie.
Smeer die geklitste eier oor die deeg.
Bak vir ongeveer 25 – 30 minute of tot gaar.

Resep en foto: Amanda Austen