VETKOEKBURGERS

Ek koop sommer deeg by Spar.

1 pak gekoopte brooddeeg
tamatieskywe
gebraaide uie
komkommerskywe
slaaiblare, fyn gesny
kaassous
burgersous
patties

Rol deeg in ‘n vierkant. Sny in kleiner vierkante. Ek het so 12 vierkante gesny.
Plaas vierkante in ‘n skinkbord wat met olie gesmeer is. Laat deeg rys.
Plaas vetkoek in lugbraaier en bak by 160°C vir 4 minute.
Smeer tussen baktyd liggies met olie. Draai om en bak vir ‘n verdere 3 minute by 180°C.
Bak bietjie langer indien jy ‘n donkerder vetkoek verkies.
Onthou om vetkoeke tussenin liggies met olie te verf.

Maak heerlike burgers met gaar patties, tamatieskywe, gebraaide uie, komkommerskywe, slaaiblare fyngesny, kaas en burgersous van jou keuse en geniet.

Resep en foto: Sarie Greyvenstein