VESELPERSKE, PYNAPPEL EN APPELSLAAI

So ietsie vars op jou bord met geen mayonniase.

spinasie blare, gekap vir onder in jou slaai bak
gesnyde geskilde veselperske (mango)
blokkies groenappel
skyfies appelkoos opsioneel
blokkies of repies vars pynappel
rooi ui, in ringetjies gesny
sprietuie
rooi soetrissie, in blokkies gesny
avokado blokkies, opsioneel
Sous:
bietjie olyfolie
1 suurlemoen se sap
1 toontjie knoffel
sout en gemaalde swart peper
1 teelepel heuning

Pak al die gesnyde vrugte en groente bo-op die gesnyde slaaiblare.
Meng die vrugte so bietjie deur. Nie te veel om nog steeds meeste spinasie onder te hou.
Lyk mooi kleurvol in die bak.

Sous:
Meng alles saam en giet oor slaai so ‘n uur voor opdiening.

Nota:
Wat ek ook gedoen het vir ekstra sousie:
‘n Bakkie plain yoghurt met 1 suurlemoen se sap uitgedruk en gemeng.
Sout, gemaalde swart peper en kruie van jou keuse.
Skep skeppie oor die slaai. Is heerlik.

Resep geplaas deur Mariè Fourie
Foto. Mariè Fourie