VERKILDE TAMATIESOP MET LYNSAAD HAPPIES

Tamatiesop:
4 groot tamaties, opgesny
1 medium ui, opgesny
4 toontjies vars knoffel
3 eetlepels Bulgaarse jogurt
4 agurtjies, opgesny
100 ml van die vloeistof waarin die agurtjies ingelê is
4 eetlepels witsuiker
8 swartpeper korrels
15 ml seesout

Verwerk die bestanddele vir die sop in ‘n voedselverwerker vir ten minste 5 minute.
Bedien yskoud, heerlik saam met kouevleis, kaas en broodjies.

Lynsaadhappies:
1 blikkie groenboontjies, gedreineer en fyner gedruk
100 g lynsaad
100 g amandels
100 g kokosneutmeel
10 ml bakpoeier
2 eiers
10 ml sout
genoeg water om ‘n stywe deeg te vorm
olie vir braai

Verwerk die lynsaad en amandels in ‘n voedselverwerker tot baie fyn.
Meng die boontjies, fyn lynsaad, amandels en kokosneutmeel.
Voeg die eiers by en net genoeg water om ‘n stywe deeg te vorm.
Rol die deeg in okkerneutgrootte balletjies, en braai in warm olie in ‘n pan tot goudbruin en gaar.
Bedien saam met die koue sop of soos verkies as ‘n vingerhappie.

Resep en foto: Corne Liebenberg