VANILLAKOEK MET ROOMKAASVERSIERSEL

6 eiers, geskei
2 koppies suiker
1 teelepel vanilla geursel
2 1/2 koppies koekmeel
3 teelepels bakpoeier
1 koppie kookwater, afgekoel
1 koppie olie

Meng suiker, vanilla en eiergele goed.
Meng water en olie by. Meng goed.
Sif koekmeel en bakpoeier en meng by eiermengsel in.
Klits eierwitte styf en vou in bydie mengsel met ‘n metaal lepel.
Sit in twee voorbereide koekpanne en bak by 180ºC tot toetspen skoon uitkom.
Geniet

Roomkaas versiersel:
1 bakkie roomkaas, gewoonlik lancewood so 230 g
230 g botter of wit woodenspoon margarien
15 ml (3 teelepels) vanilla geursel
5 gelyke koppies versiersuiker

Klop roomkaas, botter en vanilla goed.
Sif die versiersuiker. Voeg die versiersuiker geleidelik by tewyl jy heeltyd klits.
Klits goed tot alles ingemeng is.
Sit in versiersak en versier soos verkies.

Nota:
Geen melk of vloeistof nie. Dit pipe mooi.

Resep en foto: Yvonne Faber Joubert