VANILLA-, KLAPPER- EN SEMELBESKUIT

Resep en foto: Engel Bouwer

• 590 g margarien
• 500 ml suiker
• 500 ml karringmelk
• 10 ml vanilla geursel
• 7 ml geel koskleursel
• 10 ml koeksoda
• 9 koppies koekmeel
• 2 koppies semels
• 2 koppies klapper
• 50 ml bakpoeier
• 7 ml sout
• 5 ml kremetart
• Plaas die suiker, margarien en karringmelk in ‘n potjie en verhit op die stoof oor lae hitte tot die margarien gesmelt is.
• Verwyder van die hitte en plaas eenkant tot effens afgekoel.
• Voeg die vanilla, koskleursel en koeksoda by die margarienmengsel en roer deur.
• Die mengsel sal bietjie begin opborrel. Plaas eenkant tot heeltemal afgekoel.
• In ‘n groot mengbak, sit die koekmeel, semels, klapper, bakpoeier, sout en kremetart bymekaar en meng deur.
• Voeg die vloeistofmengsel by die meelmengsel en meng tot ‘n hanteerbare deeg.
• Plaas die deeg in voorbereide beskuitpanne en bak vir 40 minute in ‘n voorverhitte oond teen 180ºC.
• Breek die afgekoelde beskuit in stukke en droog uit in ‘n lou-warm oond vir ongeveer 3 – 4 ure.
• Nota:
• Gebruik die vleismeultjie met die worsstopper vooraan en druk die deeg daardeur om beskuit vingers te vorm.
• Plaas die stukke op ‘n voorbereide bakplaat en bak teen 180ºC tot gaar. Dit bak baie korter as 40 minute op die manier.