TUNATERT MET WITSOUS

Resep en foto: Dalene Venner

Kors:
1 koppie bruismeel
110 g margarien
1 koppie gerasperde kaas
Witsous:
1 koppie bruismeel
110 g gerasperde kaas
4 koppies melk
sout
1 teelepel mosterdpoeier
Vulsel:
2 blikke tuna (sous ook)
2 koppies gerasperde kaas
1 eetlepel gerasperde uie
1 eetlepel pietersielie
1 eier, geklits
Ekstra:
gerasperde kaas vir bo-oor sprinkel
Meng die kors bestanddele saam en druk vas op die bodem van ‘n oondvaste tertbak, of soos verkies.
Meng die witsous bestanddele in ‘n potjie, roer aanhoudend en kook stadig tot verdik.
Meng die vulsel bestanddele saam en meng met die witsous, skep bo-op die kors. Sprinkel ekstra kaas oor.
Bak ½ uur teen 180ºC of tot gestol en kaas gesmelt.