TUNA VISKOEKIES

1 blik (170 g) fyn tuna, goed gedreineer
sap en fyngerasperde skil van ½ klein suurlemoen
2 agurkies, fyn gerasper
1 groot, gaar aartappel, fyn gedruk
30 ml gekapte, vars pietersielie
½ wiel fetakaas, fyn gekrummel
1 eier
15 ml melk
Ekstra:
60 ml koekmeel
sout en vars gemaalde swartpeper na smaak
olie, vir braai

Meng die tuna, suurlemoensap en -skil, agurkies, aartappel, pietersielie en fetakaas goed saam.
Klits die eier en melk saam en voeg by.
Meng goed, bedek en verkoel vir ongeveer 15 minute.
Geur die koekmeel intussen met genoeg sout en swartpeper. (Ek het bietjie borrie oor bygesit)
Vorm vismengsel in koekies en rol liggies in die gegeurde meel. Pak op ‘n bord.
Sit 15 min die yskas voor jy die koekies bak.
Skud die oortollige meel af en braai die viskoekies in warm olie tot goudbruin en deurgaar.
Sit voor met vars suurlemoen, aartappelskyfies en slaai.

Nota:
Indien jy ‘n ekstra groot eier gebruik, laat die melk weg.

Foto en resep geplaas deur Rina Kleinhans