TUNA, ROOMSPINASIE EN RYSKASSEROL

1 blikkie tuna in olie, gedreineer, maar behou die olie
1 koppie rou rys
2½ koppies water
1 ui, fyn gekap
2 koppies roomspinasie
1 teelepel sout
1 teelepel vars gemaalde peper
1 teelepel fyn gerasperde suurlemoenskil
½ koppie gerasperde kaas

Kook die rys in die water saam met die gedreineerde visolie, gekapte ui, sout en peper. Dit kook nie heeltemal droog nie oor die olie in die water.
Meng die gaar rys, spinasie, tuna en suurlemoenskil met die rys.
Plaas die mengsel in ‘n oondbak, strooi kaas oor en bak vir 30 minute teen 180 ºC.
Geniet!!

Resep en foto’s: Annelize Hattingh