TUNA NOEDELGEBAK

1 blikkie tuna, in olie
1 ui, in ringe gesny
1 knoffelhuisie, fyn gedruk
1 groen soetrissie, gekap
1 blik heel tamaties, grof gekap
100 ml witwyn
10 ml (2 teelepels) mielieblom (Maizena)
15 ml (1 eetlepel) suiker
15 ml (1 eetlepel) blatjang
30 ml (2 eetlepels) slaairoom (mayonnaise)
5 ml (1 teelepel) Italiaanse droë kruie
2½ ml (½ teelepel) rooipeper
2½ ml (½ teelepel) witpeper
5 ml (1 teelepel) sout
500 ml (2 koppies) rou skulpienoedels, gaar gemaak volgens aanwysings
250 ml (1 koppie) Cheddarkaas, gerasper

Voorverhit oond tot 180 °C. Smeer ‘n groot oondvaste bak. Ek smeer gewoonlik twee gemiddelde bakke, want hierdie dis vries goed.
Dreineer olie van tuna in kastrol en braai ui en knoffel daarin tot sag.
Voeg soetrissie by en braai.
Voeg tamaties en tamatievloeistof, witwyn en tuna by en prut ‘n paar minute.
Meng blatjang, mielieblom, suiker en slaairoom goed en voeg by.
Voeg kruie, sout en pepers by. Meng goed en prut ‘n kort rukkie.
Meng nou tunamengsel met noedels en skep in bak of bakke en strooi kaas bo-oor.
Bak in oond vir 20 minute.
Bedien warm saam met slaaie.
Genoeg vir groot porsies vir ses persone.

Resep en foto: Francis Schoeman