TELEFOONPOEDING IN DIE OOND

Moet sê dit is heerlik.

Beslag:
250 ml suiker
125 ml botter
1 eier
375 ml koekmeel
5 ml bakpoeier
5 ml koeksoda
5 ml gemaalde gemmer
knippie sout
250 ml melk
30 ml fyn appelkooskonfyt
Stroop:
500 ml kookwater
250 ml suiker

Voorverhit die oond tot 180°C.
Smeer ‘n groot oondbak.
Klits die suiker, botter en eier tot lig en donsig.
Sif die droë bestanddele saam.
Roer die meelmengsel en melk om die beurt by die suikermengsel.
Roer die konfyt by en giet die beslag in die oondbak.

Stroop:
Roer die kookwater en suiker todat al die suiker opgelos is en giet dit versigtig oor die beslag.
Bak vir ongeveer 1 uur lank of tot gaar.
Sit warm voor met vla, indien verkies.

Resep en foto: Meisie van der Colff