TANNIE BOTTIE SE HEERLIKE BEESVLEISBREDIE IN DIE PRUTPOT

TANNIE BOTTIE SE HEERLIKE BEESLVEISBREDIE IN DIE PRUTPOT

Resep en foto: Elna Erasmus

Hierdie lekker, geurige beesvleisbredie word stadig in ’n elektriese prutpot gaargemaak. Die vleis word sag en die geure trek heerlik saam – perfekte trooskos vir ’n koue dag.

1 kg beesvleis vir bredie, in blokkies gesny
2 uie, gekap
2 knoffelhuisies, fyngekap
1 teelepel komynsaad
2 kardemompeule, liggies gekneus
1 teelepel paprika
2 wortels, in skywe gesny
3 – 4 aartappels, in blokkies gesny
12 stukkies mielies
1 blik gekapte tamaties of 2 vars tamaties
2 koppies beesvleisaftreksel
1 lourierblaar
sout en swartpeper na smaak
1 – 2 eetlepels olie
vars pietersielie, opsioneel
Verhit die olie in ’n groot pan.
Voeg die komynsaad by en braai vir ’n paar sekondes totdat dit aromaties ruik.
Braai die uie tot sag en goudbruin.
Voeg die knoffel en paprika by en roer vir ongeveer ’n minuut.
Voeg die beesvleis by en braai totdat dit liggies bruin is.
Plaas die vleismengsel in ’n elektriese prutpot.
Voeg die tamaties, beesvleisaftreksel, kardemom en lourierblaar by.
Voeg die wortels, mielies en aartappels by.
Geur met sout en swartpeper.
Laat dit vir 6 – 8 uur stadig prut totdat die vleis sag en die sous ryk en geurig is.
Sprinkel vars pietersielie oor net voor opdiening (opsioneel).
Wenk vir ekstra smaak:
Voeg ’n klein skeut Worcestershire sauce of ’n teelepel bruinsuiker by – dit gee die sous ’n voller, ryker smaak.
Bedien met vars brood, rys of mieliepap.