TAMATIESOUSBONE- EN HOENDERVIENNAGEREG

Resep en foto: Ilze Jacobs
Hierdie resep is oorspronklik van Kim Bagley, maar ek het dit net so bietjie verwerk vir ‘n maklike middagete vir honger tieners.

1 ui, opgekap
2 knoffeltoontjies, opgekap
olie vir braai
2 blikkies opgekapte tamaties
sout en peper, na smaak
titseltjie suiker, na smaak
6 – 7 hoenderviennas, opgesny
1 blikkie gebakte bone in tamatiesous
gerasperde kaas vir bo-op
Verhit die olie in ‘n pan op die stoof, voeg die uie en knoffel by en braai ‘n paar minute tot sag.
Voeg die tamaties, sout, peper en suiker by, roer deur en proe vir smaak.
Voeg die gesnyde viennas en blikkie bone by, roer deur en prut vir 10 minute.
Sprinkel die gerasperde kaas bo-oor die tamatiemengsel en plaas die pan vir paar minute onder die rooster element sodat die kaas kan smelt.
Bedien op geroosterde rolletjies, heerlik en ekonomies.