TAMATIE- EN UIESMOOR OM TE BOTTEL
- 3 ½ kg tamaties
- 1 kg uie, gekap
- 2 eetlepels sout
- 2 ½ suiker, of na smaak
- 3 koppies bruinasyn
- 2 eetlepels kerriepoeier
- 1 eetlepel mosterdpoeier
- ½ teelepel neutmuskaat
- 6 eetlepels Maizena, om te verdik
Kap tamaties fyn in versapper. Braai uie in bietjie olie tot gaar en deurskynend. Voeg res van bestanddele behalwe maizena by.
Kook vinnig vir 1 uur lank tot gaar en dik.
Verdik met maizena wat tot ‘n pasta aangemaak is met ‘n bietjie water indien nodig.
Laat kook vir nog ± 5 minute.
Skep in gesteriliseerde bottels.
Lewer ± 6 groot mayonnaise bottels vol.
Nota:
Jy sit dit net op die rak. Kan tot 6 maande hou as dit reg gebottel is. Onthou net om die bottels te steriliseer.
Resep: Bets Lourens
Foto: Nicollete Papas
Category:
