TAMATIE BLATJANG
- 2½ kg ryp tamaties sonder velletjies, in klein blokkies gesny
- 750 g bruinsuiker
- 4 tot 5 meduim tot groot uie, in klein blokkies gesny
- 1 groen soetrissie, in klein stukkies gesny (opsioneel – kan soetrissie met 3 brandrissies vervang vir ekstra brand)
- 1 rooi soetrissie, in blokkies gesny
- 500 g sultanas
- 15 ml Cajun mosterd en 15 ml gewone mosterdpoeier
- 500 ml wit asyn
- 500 ml appelkooskonfyt (Ek gebruik my eie tuisgemaakte appelkooskonfyt)
- 10 ml fyn korriander
- 15 ml rooipeper
- 25 ml sout
- 200 ml water
- 15 ml kerriepoeier
- 15 ml gemmer
- 50 g tamatiepuree
- 15 ml fyn knoffel
- 5 ml gemengde speserye of 2 ml kaneel
- 1 “granny smith” appel, gerasper
- 5 ml swart pepper
- 1 ml naeltjies
- Opsioneel:
- 20 ml mieliemeel
Meng al die bestanddele in ‘n swaarboompot en bring tot kookpunt.
Laat prut verder vir 1 tot 2 ure of tot dik op lae hitte.
Nota:
Ek voeg so 20 ml mieliemeel by met bietjie water aangemak en laat dit deurkook (indien nodig).
Steriliseer jou bottels en deksels en vul die bottels, seël warm.
Resep en foto’s: Amanda Naude
