SWARTWOUDBESKUIT

Hierdie “black forest” beskuit is heerlik.

10 koppies koekmeel
16 teelepels bakpoeier
4 eiers
2 koppies suiker
2 koppies amasi
500 g Rama margarien
300 g heel kersies
300 g sjokolade splinters of fyngekapte bak sjokolade
sout

Sif koekmeel, bakpoeier en sout saam.
Voeg margarien by suiker en smelt in mikrogolf net totdat margarien gesmelt is.
Voeg amasi by suikermengsel en meng. Voeg eiers by en klits goed.
Voeg heel kersies en sjokolade splinters of gekapte sjokolade by suikermengsel.
Voeg by droë bestanddele en maak deeg aan.
Druk deeg plat in beskuitpan en druk met drukker af.
Bak vir 45 tot 60 minute by 180°C.
Laat heeltemal afkoel voordat beskuite gesny word. Droog oornag uit.

Resep en foto: Alta de Wet