SUURLEMOENSTROOP

Ek het die resep vir die suurlemoenstroop by my ma gekry – sy het dit donkiejare terug uit ‘n tydskrif geskeur, maar niemand weet nou meer uit watse tydskrif dit was nie. Intussen uitgevind dat dit in Wenresepte 2 verskyn het.

Dit is vreeslik verfrissend en jy kan dit met sodawater of lemonade meng, na gelang van jou eie smaak. Werk ook lekker in ‘n “grootmens koeldrank” met ‘n skeutjie gin of vodka.

Die resep lewer nagenoeg 2.5 liters stroop.

12 suurlemoene
2.5 kg suiker
15 g wynsteensuur (jy kan ook sitroensuur gebruik)
15 g Engelse sout
15 g kremetart
1.5 l kookwater

Was suurlemoene af en rasper buitenste skil versigtig af. Druk sap uit en voeg by die skil.
Voeg res van die bestanddele by. Voeg die kookwater laaste by. Roer tot suiker opgelos is en laat staan oornag.
Suig die volgende dag deur ‘n kaasdoek of fyn sif (kaasdoek gee heldereder stroop) en bottel in gesteriliseerde bottels.

Nota:
Ek bere dit in die yskas. Skud maar net goed voor gebruik.

Resep geplaas deur Karen S Homan
Foto: Karen S Homan