SUURLEMOEN YSKASKAASKOEK

Resep en foto: Susan Lockem

• Kors:
• 2 pakkies tennisbeskuitjies, gekrummel
• +- 200 ml botter, gesmelt
• Voeg die gesmelte botter by die beskuitjie krummels en meng goed.
• Druk die krummels vas op die bodem en teen die kante van ‘n 20 cm losboompan.
• Bak die kors in ‘n voorverhitte oond teen 180ºC, vir 8 minute of net tot goudbruin, laat afkoel.
• Vulsel:
• 450 g roomkaas
• 1 blik kondensmelk
• 80 ml suurlemoensap (ek gebruik bietjie meer, want ek is lief vir die suurlemoen smaak)
• 1 koppie versiersuiker
• 1 teelepel vanilla geursel
• 2 koppies room, yskoud
• ½ teelepel vanilla geursel
• 1 eetlepel versiersuiker
• Klits die roomkaas, kondensmelk, suurlemoensap, 1 teelepel vanilla en versiersuiker saam in ‘n mengbak tot gemeng.
• In ‘n aparte bak, klits die room, ½ teelepel vanilla en versiersuiker saam tot verdik.
• Meng die styfgeklopte roommengsel by die roomkaasmengsel.
• Skep die kaaskoekmengsel op die afgekoelde kors in die losboompan.
• Bedek die kaasskoek met foelie of kleefplastiek en plaas in die yskas om te stol, verkieslik oornag, indien moontlik.
• Versier na smaak, ek het ‘n bloubessie compote op die kaaskoek geskep.
• Resep vir die compote: https://yourrecipeblog.com/recipes/blueberry-sauce-compote/