SUIKERMIELIE WAFELS
Resep en fotos: Hettie Stoltz
Ek was lus vir iets anders vir ontbyt vanoggend, het toe hierdie heerlike suikermielie wafels gemaak.
- 2 eiers, geskei
- 2 koppies koekmeel
- 2 ½ teelepels bakpoeier
- 2 teelepels suiker
- ½ teelepel sout
- 1½ koppies melk
- ½ koppie olie
- 1 groot blik suikermielies (roomstyl)
- Skei eiergele en wit. Klits die eierwitte styf.
- In groot mengbak sif droë bestanddele saam en meng.
- Meng in maatbeker die eiergele, melk, olie en suikermielies. Voeg by droë bestanddele en meng goed.
- Vou styf geklopte eierwitte in by die mengsel, wees versigtig om nie te “oormeng” nie.
- Skep genoeg van die mengsel op vooraf verhitte waffelmaker, maak toe en bak tot gaar. (Ek gebruik my klein soplepel)
- ‘n Maklike manier om te weet of dit gaar is, is wanneer daar nie meer stoom uitkom nie.
- Nota:
- Dit is heerlik, ek het dit bedien saam met spek repies, kaas worsies, “baked beans” en guacamole (advokado). Kon 12 “blok” waffels bak met hierdie beslag.
