STROGANOFF VAN SWART WILDEBEES- EN VARKFILLET

250 g swart wildebeesfillet
250 g varkfillet
200 g spek, in blokkies gesny
15 ml olyfolie
15 ml botter
1 ui, gekap
1 – 2 knoffelhuisies, fyngedruk
gekapte grasuie, vir garnering
Roommengsel:
sout en gemaalde peper
250 ml suurroom
30 ml koekmeel
30 ml Dijon mosterd
15 ml tamatiepasta
10 ml paprika
gemaalde peper

Meng al die roommengsel bestanddele saam en hou eenkant.
Sny die filette in repies en geur met sout en peper.
Braai die uie, knoffel en spek in die olyfolie tot gaar.
Voeg die botter by, roer deur en voeg die filette by.
Roerbraai vir 2 – 3 minute en voeg die roommengsel by in die pan.
Verlaag die hitte en laat prut op lae hitte, roer deur totdat die sous verdik het.
Skep die stroganoff in ‘n opdienbak en versier dit met gekapte grasuie.
Sit voor saam met rys of pasta.

Resep en foto: Johan Rossouw