STOWE BEESVLEIS MET ROOI SOETRISSIES EN PASTA

45 ml botter
ongeveer 125 ml gegeurde koekmeel
600 g stowe beesvleis, in blokkies gesny
2 knoffelhuisies, gesny
2 medium uie, in sesdes gesny
2 rooi soettissies, in groterige stukke gesny
5 ml fyn gemmer
600 ml warm vleis aftrekstel
10 ml sojasous
2 lourierblare
sout en peper na smaak
50 ml vars gekapte pietersielie
300 g penne pasta

Smelt die botter in ‘n groot swaarboom kastrol.
Plaas die vleisblokkies saam met die gegeurde meel in sakkie en skud tot goed gemeng.
Braai paar blokkies vleis op ‘n slag in pot tot bruin.
Skep uit in ’n oondbak.
Braai die uie en knoffel in bietjie olie tot uie begin verbruin.
Skep uit met gaaitjies lepel bo-oor die vleis blokkies.
Roerbraai die soetrissies ‘n minuut lank en voeg gemmer by.
Voeg ook aftreksel, sojasous, lourierblare, pietersielie en geurmiddels by.
Laat opkook en voeg by die vleisblokkies.
Bedek met foelie en plaas dit vir 2½ ure in die oond op 160°C.
Kook intussen die pasta.
Wanneer die vleis uit die oond kom, meng deur met die pasta.
Bedien.

Resep en foto: Amanda Austen