SPUTNIK MUFFINS

Vandag weer iets gebak vir Caralize se kosblik en Helet mag dit ook eet.

2 koppies koekmeel
2 koppies geel mieliemeel
½ koppie suiker
2 gelyk eetlepels bakpoeier
1 teelepel sout
2 koppies melk
4 eiers
½ koppie kookolie
± 8 gerookte Viennas, opgesny in 2 – 3 cm lengtes

Meng die droë bestanddele goed saam in ‘n mengbak.
Klits die melk, eiers en olie apart in ‘n bak saam.
Voeg die vloeistowwe by die droë bestanddele en meng deeglik tot gemeng.
Skep die beslag in voorbereide muffinpannetjies, ¾ vol en plaas die gesnyde worsie, regop in die middel van die deeg.
Bak in ‘n voorverhitte oond by 170ºC vir ± 20 tot 25 min.
Verwyder die muffins uit die oond wanneer gaar en laat rus die muffins in die pannetjies voordat dit uitgehaal word.
Dit is heerlik vir die kinders se kosblikke.

Nota:
Ek het ‘n vlakker muffinpannetjie as die gewone muffinpannetjies gebruik.

Resep en foto: Alta Gunter van Dyk