SOUSERIGE SJOKOLADE POEDING SONDER EIERS EN MELK

Nie ‘n groot resep nie, maar omdat dit redelik soet is, skep mens nie sulke groot porsies nie… geniet hom

250 ml koekmeel
10 ml bakpoeier
2 ml sout
125 ml strooisuiker
25 ml kakao
knippie fyn naeltjies
50 ml margarien, gesmelt
125 ml water
5 ml vanilla
100 ml suiker
50 ml kakao
375 ml kookwater

Sif die koekmeel, bakpoeier, sout, strooisuiker, 25 ml kakao en naeltjies saam.
Roer die gesmelte margarine, water en geursel by die droë bestanddele in.
Skep die deeg in ‘n gesmeerde bakskottel van 20 cm x 5 cm diep en maak gelyk.
Meng die suiker, 50 ml kakao en kookwater tot klontvry.
Giet versigtig oor die deeg oor die agterkant van ‘n groot lepel, pasop dat dit nie ‘n gat maak nie.
Plaas die bakskottel in ‘n oondpan met kookwater.
Bak 30-35 min by 180°C.

Nota:
Ek het ook ‘n paar klein paaseiers in gesnipper, en dit met olie ipv margarien gemaak – regtig heerlik!!

Resep geplaas deur Rina Kleinhans
Foto: Rina Kleinhans