SOETSUUR SKAAPSTERTJIES

Vanaand het ek ‘n soetsuur skaapstertjie gemaak in die kasserol, en was djeerlik!!!

± 1.5 kg skaapstertjies
1 blikkie (227 g) fyn pynappel
2 eetlepels soetrissiesous
2 eetlepels suiker
2 eetlepels blatjang
3 eetlepels asyn
1 medium ui, fyngekap
sout en peper na smaak

Pak die stertjies in ‘n oondvaste kasserol met ‘n deksel.
Voeg ‘n bietjie water ± ½ koppie by die stertjies.
Plaas die deksel op en bak die stertjies vir ‘n ¾ uur in ‘n voorverhitte oond by 180°C.
Meng die res van die bestanddele saam en giet dit oor die stertjies.
Plaas die deksel terug op die kasserol en bak vir ‘n verdere 2 ure.
Verwyder die deksel na 2 ure en rooster die stertjies tot goudbruin (± 10 min).

Resep en foto: Gideon Louw