SOETSUUR PIQUANTÉ-RISSIES OF PEPPADEWS
Resep en foto: Jan Salti Viljoen
Ek het die “Mad Hatter” rissies gebruik, dit is bykans dieselfde as die Piquanté-rissies of peppadews wat hitte aanbetref. Klein bietjie warmer en dit is heelwat groter as ‘n peppadew en is by vele kwekerye beskikbaar.
- Oornag pekel:
- 700 – 800 g rissies
- 800 ml yswater
- 80 g sout, gewone of pienksout
- Pekel vir bottel:
- 500 ml witwyn asyn
- 250 ml water
- 300 g witsuiker
- 5 – 6 cm stuk vars gemmer
- 3 – 5 vars knoffeltoontjies
- 1 ster any
- Maak die rissies skoon en verwyder die saadjies en stronk uit die rissie.
- Meng die bestanddele vir die oornag-pekel en voeg die rissies in die pekel, laat dit oornag in die yskas.
- Na +-12 uur in die oornag-pekel, verwyder die rissies uit die pekel en spoel dit deeglik af met koue water.
- Voeg die asyn, water en suiker vir die bottel-pekel in ‘n kastrol op die stoof en verhit stadig.
- Roer goed tot die suiker opgelos is.
- Sny die gemmer en knoffel in ½ cm stukkies en plaas dit saam met die ster anys by die asynmengsel in die kastrol.
- Bring die mengsel tot kookpunt en kook vir ongeveer 3 minute.
- Plaas die rissies in die kookmengsel en kook vir nie langer as 1 ½ minuut nie, anders word dit pap.
- Draai die hitte af.
- Skep die rissies in ’n gesteriliseerde glasbottel en giet die warm pekel oor die rissies.
- Maak seker die rissies is heeltemal bedek met die pekel.
