SOET-SUUR WARM AARTAPPELSLAAI

6 aartappels, gekook en skoongemaak
1 ui, gekerf
1 pakkie spek, in stukkies geknip
1 koppie blatjang
60 ml asyn (lees asb nota onder aan en begin met 20 ml, voeg by na gelang)
20 ml mielieblom
60 ml melk
sout

Kook aartappels, trek skil af en sny in blokkies. Braai uie en spek in olie.
Voeg asyn en blatjang by en kook vir 5 min.
Roer aanhoudend anders brand dit vas.
Meng mielieblom met melk en voeg by spekmengsel.
Laat kook vir 5 min oor lae hitte, roer aanhoudend anders brand dit vas.
Strooi sout oor aartappelblokkies.
Meng warm spekmengsel deur die aartappels.
Die slaai kan lou of warm bedien word.
As ‘n soeter sous verkies word kan meer blatjang bygevoeg word voor die sous deur die aartappels gemeng word.

Nota:
‘n Mens moet maar versigtig wees oor die hoeveelheid en sterkte van die asyn. Wynasyn of appelasyn sal eerder aanbeveel word.

Foto: Adam Cloete