SNOEKTERT MET PROVITA KORS
- Kors:
- 10 Provitas, gekrummel
- ongeveer 60 ml gesmelte margarien of botter
Plaas krummels in ‘n gesmeerde tertbord en giet gesmelte margarien oor.
- Vulsel:
- 250 g gerookte snoek of haddock
- 1 groot ui, fyn gekap
- 2 eetlepels margarien
- 1 eetlepel koekmeel
Vlok die gerookte snoek of haddock.
Soteer die fyn gesnipperde ui in die margarien.
Laat effe afkoel en meng die koekmeel by. Hou eenkant.
- Meng die volgende:
- 10 ml “lemon and black pepper seasoning”
- 1 ml rooipeper
- 2.5 ml mosterdpoeier
- 250 ml suur room
- 125 ml melk
- 2 ekstra groot eiers
- ¾ koppie fyn gerasperde kaas
Voeg die snoek en uie by en meng goed deur.
Skep oor Provitakors en strooi Cajun speserye oor.
Bak vir omtrent 30 minute by 180°C.
Resep geplaas en foto: Marlize Williams
Category:
