SNOEKPASTEI

1 groot ui, gekap
50 ml botter of olie
30 ml koekmeel
250 ml melk
250 g gaar snoek, vel en grate verwyder en gevlok
250 ml gerasperde Cheddarkaas
4 groot eiers, geklits
250 ml suurroom
5 ml mosterdpoeier
15 ml fyngekapte vars pietersielie
sout en rooipeper na smaak

Voorverhit die oond tot 180°C en smeer ’n 30 cm-pasteibak goed met olie of botter.
Braai die ui in die botter tot sag. Sprinkel die meel oor en verhit terwyl jy roer, tot dit borrel.
Voeg die melk by en verhit tot kookpunt. Roer aanhoudend om te verhoed dat klonte vorm.
Verwyder die sous van die hitte en roer die res van die bestanddele by.
Skep in die voorbereide pasteibak en bak vir 35 – 45 minute tot goudbruin en ferm.
Laat die tert vir 10 minute afkoel en sit met slaaie of groente van jou keuse voor.

Nota:
Die tert kan ook teen kamertemperatuur voorgesit word of jy kan klein individuele tertjies in minimuffinpannetjies bak en as southappies met drankies voorsit.

Resep geplaas deur Rina Kleinhans
Foto: Johan Röntgen – Ek het 2 chillies opgekap en bygesit en so spuit sweet chillie sous. Baie lekker.